පුද්ගලිකව නොවුණ ද ඇසු දුටු අත් දැකීම්වලට අනුව පවුලක වැඩිමහල් දරුවා වීම තරම් අවාසනාවන්ත දෙයක් ඇතැයි මම විශ්වාස නොකරමි.
ඒ වැඩිමහල් දරුවා පිරිමි දරුවකු වුව ද ගැහැනු දරුවකු වුව දකිසිදු වෙනසක් නොමැත.
ඔබ, කේ. ජයතිලක විසින් රචිත ‘‘චරිත තුනක්’’ ප්‍රබන්ධය කියවා තිබේ නම් පවුලේ වැඩිමහල් දරුවා පිරිමියකු වුවහොත් ඔහු වෙත පැවරෙන වගකීම් මොනවා ද යන්න සිහියට නැගෙනවා නොඅනුමාන ය. එමෙන් ම ගුණසිංහ හෙට්ටිආරච්චිවිසින් රචිත ‘‘කතිරිනාගෙ සනුහරේ’’ නමැති ප්‍රබන්ධය කියවා තිබේ නම් පවුලේ වැඩිමහල් දරුවා පිරිමියකු වුවහොත් ඔහුට අත් විඳින්නට සිදු වෙන කටුකත්වය කෙතරම් දරුණු ද යන්න සිහියට නැගෙනු නොඅනුමාන ය.
එබදු කාන්තා චරිත පිළිබඳ ලියවුණ ප්‍රබන්ධ ද ඔබ කියවා ඇතුවාට සැක නැත.
අද, The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග එකතු වන්නේ ද එබඳු ප්‍රබන්ධයක් රචනා කළ ලේඛිකාවකි. ඇය නමින් පූර්ණිමා සේරසිංහ ය.
මතු පළ වන්නේ ඇගේ අභිනව ප්‍රබන්ධ කෘතිය වන ‘‘ලොක්කි’’ කෘතිය පිළිබඳ ඇය සමග කළ සාකච්ඡාව ය.
(සටහන | ජයසිරි අලවත්ත)