ශ්‍රී ලංකාව ජාත්‍යන්තර විලාසිතා ලෝකය හමුවේ අභිමානවත් ලෙස නියෝජනය කරමින්, එලීනා ගුණවර්ධන (Elina G) ඉතිහාසයට එක්ව තිබෙනවා.
ලොව ප්‍රකට Victoria’s Secret Fashion Show විලාසිතා දැක්ම සඳහා නිරූපණයෙන් දායක වූ පළමු ශ්‍රී ලාංකික නිරූපණ ශිල්පිනිය බවට පත්වීමට ඇය සමත්ව ඇත.
මෙම අතිඋත්කර්ෂවත් විලාසිතා දැක්ම පසුගිය ඔක්තෝබර් 18 වැනිදා අමෙරිකාවේ ලොස් ඇන්ජලීස් නුවරදී පැවැත්විණි. ඒ සඳහා ලොව ප්‍රමුඛ පෙළේ නිරූපණ ශිල්පිනියන් සහ ජනප්‍රිය තරු රැසක් එක්ව සිටියහ.
කැපී පෙනෙන නිරූපණ ශිල්පිනියන් රැසක් එක්වෙයි:
ගිගි හැඩිඩ්, බෙලා හැඩිඩ්, ඇඩ්‍රියානා ලීමා, අලෙස්සන්ඩ්‍රා ඇම්බ්‍රෝසියෝ, ඉරීනා ෂේක් සහ ඈෂ්ලි ග්‍රැහැම් ඇතුළු ජාත්‍යන්තර සුපිරි නිරූපණ ශිල්පිනියන් රැසක් මීට එක්වූහ.
සංගීතමය දායකත්වය:
ටේට් මැක්‍රේ (Tate McRae), මේගන් දී ස්ටැලියන් (Megan Thee Stallion), මේගන් මොරෝනි (Megan Moroney) සහ KATSEYE සංගීත කණ්ඩායමේ සජීවී ප්‍රසංගවලින් මෙම උළෙල වර්ණවත් විය.
ලොව පුරා දැඩි අවධානයට ලක්වන මෙම ජාත්‍යන්තර විලාසිතා වේදිකාවේදී ශ්‍රී ලංකාව නියෝජනය කිරීමට එලීනා ගුණවර්ධනට ලැබුණු මෙම අවස්ථාව, මෙරට නිරූපණ ක්ෂේත්‍රයේ ඉතිහාසයේ සුවිශේෂී සන්ධිස්ථානයකි.
ශ්‍රී ලංකාවේ නාමය ජාත්‍යන්තර විලාසිතා ලෝකය තුළ ඉහළට ඔසවා තැබූ එලීනා ගුණවර්ධනගේ මෙම විශිෂ්ට ජයග්‍රහණය, ලොව ජයගැනීමට සිහින දකින මෙරට නව පරපුරට ද ඉමහත් ආඩම්බරයකි.
උපුටාගැනීම
Newsfirst.lk