සංචාරක ශ්රී ලංකා කාන්තා කණ්ඩායම සහ බංග්ලාදේශ කාන්තා කණ්ඩායම අතර තරග 3කින් සමන්විත විස්සයි20 ක්රිකට් තරගාවලිය අද (28) සිලෙට්හිදී ආරම්භ වෙයි.
චමරි අතපත්තුගේ නායකත්වයෙන් යුත් ශ්රී ලංකා සංචිතයට රශ්මිකා සෙව්වන්දි සමඟ ජාත්යන්තර තරග වරම් ලබා නැති මිතලි අයෝද්යා එක්වන අතර, නිමා වූ එක්දින තරගාවලියට ක්රීඩා කළ පියුමි වත්සලා, චේතනා විමුක්ති සහ කාව්යා කාවින්දි මේ සංචිතයට එක් නොවේ. ත්රිකුණාමලය දිස්ත්රික්කයේ කන්තලේ මැදි මහ විදුහල් ක්රීඩිකාවක වන 19 හැවිරිදි මිතලි රජඇළ විද්යාලයෙන් මූලික අධ්යාපනය හදාරා තිබේ. වේග පන්දු යවන තුන් ඉරියව් ක්රීඩිකාවක් වන ඇය නැඟීඑන කණ්ඩායම් අතර ආසියානු කුසලාන ක්රිකට් තරගාවලියේදී ශ්රී ලංකා පිල නියෝජනය කළාය.
බංග්ලාදේශ සංචිතයට ජාත්යන්තර විස්සයි20 තරග වරම් ලබා නැති 32 හැවිරිදි සර්මින් සුල්තානා ඇතුළත් කර තිබේ.
ශ්රී ලංකා විස්සයි20 කණ්ඩායම – චමරි අතපත්තු (නායිකා), හසිනි පෙරේරා, ඉමේෂා දුලානි, හංසිමා කරුණාරත්න, කෞෂානි නුත්යාංගනා, හර්ෂිතා සමරවික්රම, නිලක්ෂි ද සිල්වා, රශ්මිකා සෙව්වන්දි, කවීෂා දිල්හාරි, දෙව්මි විහංගා, මල්කි මදාරා, මිතලි අයෝද්යා, ඉනෝකා රණවීර, සුගන්ධිකා කුමාරි, නිමේෂා මදුෂානි.