නොබෙල් සාම ත්යාගලාභි ලෝක ප්රකට මානව හිමිකම් ක්රියාකාරිනියක වන මලාලා යුසෆ්සායි ඉරානයේ විරෝධතාවට සහාය පළ කර ඇතැයි විදෙස් මාධ්ය වාර්තා කරයි. ඉරානයේ විරෝධතාව සිදුවන්නේ අධ්යාපනය ඇතුළු කාන්තා අයිතිවාසිකම් තහනම් කළ රජයකට එරෙහිව බවත්, ඉරාන තරුණියන් සිය ගෞරවය දිනා ගැනීම උදෙසා විරෝධතාවට එක්වී සිටින බවත් මලාලා යුසෆ්සායි එක්ස් සමාජ මාධ්ය ජාලයේ සටහනක් තබා ඇතැයි වාර්තා වේ.
අනාගත ඉරානය හැඩ ගැස්විය යුතු වන්නේ බාහිර බලවේගවලට සහ පීඩනකාරි ආණ්ඩුවලට අවශ්ය ආකාරයෙන් නොව කාන්තාවන් ද ඇතුළත් වන පරිදි පාලනයක් ගොඩ නැඟීම සඳහා බව ඇය වැඩිදුරටත් ප්රකාශ කර ඇත. 17 හැවිරිදි වියේදී නොබෙල් සාම ත්යාගයෙන් පිදුම් ලැබූ මේ පාකිස්තාන ජාතික කාන්තාව එරට දැරියන්ගේ අධ්යාපනය වෙනුවෙන් හඬ නඟමින් සිටී.