වයස අවුරුදු 16ට අඩු ගැහැණු දරුවෙකු සමඟ කැමැත්තෙන් හෝ අකමැත්තෙන් ලිංගිකව එක්වීම නීතිය ඉදිරියේ බරපතළ ව්යවස්ථාපිත අපරාධයක් බවත්, එවැනි ක්රියාවන් කිසිදු හේතුවක් මත සාධාරණීකරණය නොකළ යුතු බවත්ය.
කාන්තා හා ළමා කටයුතු අමාත්යවරිය දැඩිව අවධාරණය කර තිබේ. බාල වයස්කාර දැරියක් නොමග යවමින් අපයෝජනයට ලක්කොට අනාරක්ෂිත දරු ප්රසූතියකට මුහුණ පාන්නට සිදුවූ වයස අවුරුදු 15 ක දැරියගේ සිද්ධිය සම්බන්ධයෙන් අදහස් දක්වමින් අමාත්යවරිය පෙන්වා දුන්නේ, දරුවෙකුගේ කැමැත්ත හෝ පවුල් පසුබිම වැනි කිසිදු කරුණක් මත මෙම නීතිවිරෝධී ක්රියාව සාධාරණීකරණය කිරීමට සමාජයට හෝ පුද්ගලයින්ට අයිතියක් නොමැති බවයි.
මේ පිළිබඳව මාධ්ය වෙත අදහස් දක්වමින් අමාත්යවරිය පැවසූයේ,
“මේක කිසිසේත්ම උත්තරීතර ආදරයේ ප්රතිමූර්තිය නෙවෙයි. බලහත්කාරයෙන් පැහැරගෙන ගොස් වයස අවුරුදු 16 ට අඩු ගැහැණු දරුවෙකු සමඟ කැමැත්තෙන් හෝ අකමැත්තෙන් ලිංගිකව එක්වීම නීතිවිරෝධියි. මේක ව්යවස්ථාපිත ස්ත්රී දූෂණයක්. මේක නීතිමය හා අපරාධමය වරදක්. මෙය කිසිසේත් වීරත්වයක් නොවේ.”
යනුවෙනි.
සටහන | කල්පනී ෂමල්කා




