සූපවේදය පිළිබඳව අන්තර්ගතයන් නිර්මාණය කරන ‘Anoma’s Kitchen’ You Tube නාලිකාව පවත්වාගෙන යන අනෝමා විතානගේ කියන්නේ ආහාර පාන සැකසීම පිළිබඳ උනන්දු බොහෝ දෙනා තුළ ජනප්‍රිය චරිතයක්.මේ වන විට ඇයගේ You Tube නාලිකාව වටා Subscribersලා මිලියනයට වඩා වැඩි ප්‍රමාණයක් ද එක් වී සිටිනවා.
මේ කතාව නම් පසුගිය දින කිහිපයේ ඇය සිය සැමියා වන සිසිර විජේතුංග සමග ලංකාව වටේම ගමන් කරමින් සම්පූර්ණ කළ චාරිකාවක් පිළිබඳවයි.
මේ පිළිබඳව ඇයගේ සැමියා වන සිසිර විජේතුංග සිය මුහුණු පොතේ සටහනක් තබමින් විස්තර සඳහන් කොට තිබුණා.
එසේම බොහෝ පිරිසක් සමාජ මාධ්‍ය හරහා ඔවුන් දෙපළ ගේ මෙම උත්සාහයට සුබ පැතීමට ද එක් වී තිබුණා.
සිසිර විජේතුංග සිය මුහුණු පොතේ තැබූ සටහන පහතින් දැක්වෙනවා.
“අනෝමත් මමත් ලංකාව වටේ රවුමක් ගියා. (2025 මාර්තු 24 සිට 30 දක්වා)
යෝජනාව අනෝමගෙ . ක්‍රියාත්මක කරන්න මම කාලයක් ගත්ත. ගමන ගියේ අපේ පරණ කාර් එකෙන් (Nissan Cefiro 2000cc.V6). දැන් අවුරුදු 23ක් මේ කාර් එක අරගෙන. දවස් 7කින් ගමන කෙළවර කළා. කිසිම කරදරයක් නැතිව. පාරවල් හොදටම හොදයි. (වැලිඔය පැත්තේ කිලෝමීටර් 1/2 ක විතර කොටසක් ඇර). කිලෝමීටර් 1600 ගානක් Drive කළා. හරිම විනෝදජනකයි. නවතින හෝටල් කලින්ම Book කරලයි ගියේ.
ඔයාලත් මේ ගමන යන්න ට්‍රයි කරන්න.
මේ අපි ගිය ගමන් මගයි .”
(සිසිර විජේතුංගගේ මුහුණු පොත ඇසුරිනි)