21 වන ‘රයිගම් ටෙලීස්’ සම්මාන උළෙල (29) පස්වරුවේ කොළඹ ශැංග්‍රිලා හෝටල් පරිශ්‍රයේදී උත්කර්ෂවත් අන්දමින් පැවැත්වුණා.
වසරේ විශිෂ්ටතම ටෙලි නාට්‍ය නිළියට හිමි රයිගම් සම්මානය හිමි වූයේ තරින්දි ප්‍රනාන්දු හටයි. ඒ ‘වියළි’ ටෙලි නාට්‍යයේ ‘මාලා’ ගේ චරිතය නිරූපණය කරමින් කළ රංගනය වෙනුවෙනි.
වසරේ විශිෂ්ටතම ටෙලි නාට්‍යයට හිමි සම්මානය හිමි වූයේ ජාතික රූපවාහිනියේ විකාශය වූ ‘වියළි’ ටෙලි නාට්‍යය සඳහායි. මෙය දිලූපා නිරෝශනී ද අල්විස් ගේ නිෂ්පාදනයකි.එමෙන්ම වසරේ විශිෂ්ටතම ටෙලිනාට්‍ය අධ්‍යක්ෂණයට හිමි රයිගම් සම්මානය හිමි වූයේ ද ‘වියළි’ ටෙලි නාට්‍යය අධ්‍යක්ෂණය කළ චන්දන ඉරුගල්බණ්ඩාර හටයි.
වසරේ ජනප්‍රියතම ටෙලි නාට්‍ය නිළියට හිමි රයිගම් සම්මානය දිනක්ෂි ප්‍රියසාද් හිමි කර ගත්තාය.
