ගම කෙතරම් ඈත වුවත්, පහසුකම් කෙතරම් සීමිත වුවත්, දක්ෂතාවය සහ කැපවීම තිබේ නම් මුළු ලෝකයම ජය ගත හැකි බව ශ්රී ලාංකීය අපට යළිත් වරක් ඔප්පු කර පෙන්වීමට මැදවච්චියේ පුංචි දියණියක් සමත්ව තිබේ. ඒ මැලේසියාවේදී පැවැති ජාත්යන්තර අබකස් ගණිත තරඟාවලියෙන් ($ABACUS$ $L1B$) ප්රථම ස්ථානය දිනා ගනිමින් ශ්රී ලංකා නාමය ජාත්යන්තර රන් අකුරින් සනිටුහන් කළ මැදවච්චිය අල්-මදීනා මුස්ලිම් මහා විදුහලේ 7 ශ්රේණියේ ඉගෙනුම ලබන සුම්රි ෆාතිමා සුදා දියණියයි.
රටවල් 13ක් සහ තරඟකරුවන් 3,500ක් පරදා ලැබූ අසිරිමත් ජයග්රහණයක්!
මෙම තරඟාවලිය සාමාන්ය එකක් නොවේ. ලෝකයේ විවිධ රටවල් 13ක් නියෝජනය කරමින්, අතිශය දක්ෂ තියුණු බුද්ධියක් ඇති තරඟකරුවන් 3,500ක් පමණ මෙයට සහභාගී වී සිටියහ. ඒ සියලු දෙනාම අභිබවා යමින්, ගණිත ලෝකයේ ඉහළම දක්ෂතාවය පෙන්වා ප්රථම ස්ථානය දිනා ගැනීමට ෆාතිමා දියණිය දැක්වූ දක්ෂතාවය සැබවින්ම මවිතකරය; අදහාගත නොහැකි තරම් විශිෂ්ටය.
ඈත දුෂ්කර ගමක, සරල පාසලක ඉගෙනුම ලබමින්, ජාත්යන්තර තලයේ දැවැන්තයින් පරාජය කිරීමට ඇය සතු වූ ඒ සුවිශේෂී ගණිතමය හැකියාව මුළු මහත් ශ්රී ලංකාවටම අභිමානයකි.