හිටපු ජනාධිපති රනිල් වික්‍රමසිංහ අත්අඩංගුවට ගැනීම ශ්‍රී ලංකාවේ ප්‍රජාතන්ත්‍රවාදී ආයතනවල පැවැත්ම පිළිබඳව බරපතල කනස්සල්ලක් ඇති කරන බව පවසමින් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග නිවේදනයක් නිකුත් කර ඇත.
මෙම අත්අඩංගුවට ගැනීම, මෙරට ප්‍රජාතන්ත්‍රවාදී මූලයන්ට සැලසුම් සහගතව එල්ල කරන ලද ප්‍රහාරයක් ලෙස සිය නිවේදනය මගින් අවධාරණය කරයි.
මෙම තත්ත්වයේ ප්‍රතිවිපාක එක් පුද්ගලයෙකුගේ හෝ දේශපාලන කණ්ඩායමක ඉරණම ඉක්මවා යන බවත්, සමස්තයක් ලෙස ශ්‍රී ලාංකික පුරවැසියන්ගේ අයිතිවාසිකම් අනතුරේ හෙළන බවත් ඇය වැඩිදුරටත් පෙන්වා දෙයි.
මානව නිදහස සහ ප්‍රජාතන්ත්‍රවාදී පාලනය අගය කරන සියලුම නායකයන් සහ පුරවැසියන් මෙම ක්‍රියාවලියට විරුද්ධ විය යුතු බව අවධාරණය කරන හිටපු ජනාධිපතිවරිය, ” මෙම මුලපිරිම් කෙරෙහි මාගේ බලවත් විරෝධය එකහෙලා ප්‍රකාශ කිරීමට මම මුළු හදින්ම එකතු වෙමි,’ යනුවෙන් වැඩිදුරටත් සිය නිවේදනය මගින් ප්‍රකාශ කර ඇත.
