ග්‍රෑන්ඩ්පාස් මුවදොර උයන මහල් නිවාස සංකීර්ණයේ දී තියුණු ආයුධයකින් පහර දී කාන්තාවක් ඝාතනය කර තවත් පුද්ගලයෙකුට බරපතළ තුවාල සිදුකළ සැකකරුවෙකු අත්අඩංගුවට ගැනීම සඳහා පොලීසිය විමර්ශන ආරම්භ කර තිබේ.
පවුල් ආරවුලක් හේතුවෙන් පුද්ගලයෙකු විසින් සිය බිරිඳ මෙලෙස ඝාතනය කර ඇති බව පොලීසිය පැවසීය.
දෙදෙනා අතර ඇතිවු ආරවුලට මැදිහත් වු 26 හැවිරිදි තරුණයෙකුට ද අදාළ සැකකරු විසින් තියුණු ආයුධයකින් පහර දී ඇතඅ අතර පසුව සැකකරු ප්‍රදේශයෙන් පළා ගොස් ඇති බව සඳහන් වේ.
ඝාතනයට ලක්ව ඇත්තේ 60 හැවිරිදි කාන්තාවක් බව පොලීසිය පැවසීය.
තුවාල ලැබු තරුණයා කොළඹ ජාතික රෝහලේ ප්‍රතිකාර ලබන අතර පලා ගිය සැකකරු අත්අඩංගුවට ගැනීම සඳහා ග්‍රෑන්ඩ්පාස් පොලීසිය විමර්ශන සිදුකරනු ලබයි.
