මහින්ද රාජපක්ෂ හිටපු ජනාධිපතිවරයාගේ භාර්යාව වන ශිරන්ති රාජපක්ෂ සැප්තැම්බර් 19 වැනි දින දිවයිනට පැමිණෙන බව මීට පෙර ප්රකාශ කර තිබුණද, ඇය තවමත් දිවයිනට පැමිණ නොමැති බව මහින්ද රාජපක්ෂ මහතාගේ මාධ්ය ප්රකාශක, නීතිඥ මනෝජ් ගමගේ මහතා පවසයි. ඒ සම්බන්ධයෙන් කළ විමසීමකට පිළිතුරු දෙමින් ඔහු මේ බව තහවුරු කළේය.
ශිරන්ති රාජපක්ෂ සමඟ සැප්තැම්බර් 16 වැනි දින සිංගප්පූරුව බලා ගමන් කළ පවුලේ සාමාජිකාවක් පමණක් ඊයේ රාත්රියේ යළි දිවයිනට පැමිණ ඇති බව නීතිඥ මනෝජ් ගමගේ මහතා සඳහන් කළේය. කෙසේ වෙතත්, ශිරන්ති රාජපක්ෂ මහත්මිය යළි පැමිණීම ප්රමාද වීමට හේතුව හෝ ඇයගේ වර්තමාන තොරතුරු හෙළි කිරීමට පවුලේ සාමාජිකයන් සූදානම් නැති බව ඔහු වැඩිදුරටත් කියා සිටියේය.
මීට පෙර ප්රකාශ කෙරුණේ ශ්රී ලංකාවේ පෞද්ගලික රෝහලක ප්රතිකාර ලබමින් සිටි ශිරන්ති රාජපක්ෂ මහත්මිය, වැඩිදුර වෛද්ය ප්රතිකාර සඳහා සැප්තැම්බර් 16 වැනි දින සිංගප්පූරුව වෙත ගිය බවයි.
මේ අතර, ඇයගේ ප්රධානත්වයෙන් ක්රියාත්මක වූ ‘සිරිලිය සවිය’ සංවිධානයේ මූල්ය ගනුදෙනු සම්බන්ධයෙන් පවත්වනු ලබන විමර්ශනයකට අදාළව, එළැඹෙන සැප්තැම්බර් 24 වැනි දින මූල්ය අපරාධ විමර්ශන කොට්ඨාසය හමුවේ පෙනී සිටින ලෙස ඇයට නියෝග කර ඇත.
උපුටාගැනීම