කාන්තා දිනය වෙනුවෙන් ශ්‍රී ලංකන් ගුවන් සේවය අද (08) විශේෂ ගුවන් ගමන් වාරයක් සංවිධාන කර තිබුණා.
එහි විශේෂත්වය වන්නේ අද මේ ගුවන් ගමනට සහභාගීවන සියලුම ගුවන් කාර්ය මණ්ඩලය කාන්තාවන් වීමයි.
ශ්‍රී ලංකන් ගුවන් සේවය වසරක් පාසා කාන්තා දිනය වෙනුවෙන් විශේෂ ගුවන් ගමන්වාරයක් සංවිධාන කරන්නේ සමස්ත කාන්තාවන් ගේ ධෛරයයට සහ කැපවීමට කරන අගය කිරීමක් ලෙසයි
මෙවර එම විශේෂ ගුවන් ගමන් වාරය කොළඹ සිට තායිලන්තයේ බැංකොක් නුවර දක්වා ක්‍රියාත්මක වෙනවා.
වර්තමානයේ සෑම ක්ෂේත්‍රයකම ඉදිරියට පැමිණෙමින් සිටින කාන්තාවන් අද අහස ජය ගනිමින් සිටින බවට මේ ගුවන්වාරය හොඳම සාක්ෂියක්.
ඒ මෙම ගුවන් ගමනට සහභාගි වන 08 දෙනෙකුගෙන් යුත් ගුවන් කාර්යමණ්ඩලයේ සියලුම දෙනා කාන්තාවන් වීම හේතුවෙන්.
ඒ අනුව සම්පූර්ණ කාන්තා කාර්ය මණ්ඩලයකින් සමන්විතව ශ්‍රී ලංකන් ගුවන් සේවයට අයත් A320 ගුවන් යානය අද උදෑසන 7.30ට කටුනායක බණ්ඩාරනායක ජාත්‍යන්තර ගුවන් තොටුපළෙන් ගුවන් ගතවුණා.
මාධිනී විජේසිංහ ප්‍රධාන ගුවන් නියමුවරිය ලෙසත් අයෝද්‍යා රණසිංහ සහය ගුවන් නියමුවරිය ලෙසත් මෙහිදී කටයුතු කරනවා.