“නූතන කෙල්ටික් සංගීතයේ පුරෝගාමිනිය” (First Lady of Celtic Music) ලෙස ලොව පුරා ගෞරවයට පාත්ර වූ අයර්ලන්ත ජාතික ගායිකා, සංගීතවේදිනී මෝයා බ්රෙනන් (Moya Brennan) වයස අවුරුදු 73කේදී අභාවප්රාප්ත වී තිබේ.
2026 අප්රේල් 13 වනදා ඇය සිය දිවි ගමන නිමා කළ බව විදෙස් මාධ්ය වාර්තා කරයි.
‘Robin of Sherwood’ සහ ශ්රී ලංකාව
ලොව පුරා මෙන්ම ශ්රී ලාංකික රසිකයන් අතරද ඇය වඩාත් ජනප්රිය වූයේ 80 දශකයේ අග භාගයේ විකාශය වූ “රොබින් ඔෆ් ෂර්වුඩ්” (Robin of Sherwood) ටෙලි කතාවේ පසුබිම් සංගීතය සහ එහි තේමා ගීත ගායනා කිරීම හරහාය. එම නිර්මාණ ඇතුළත් ඇල්බමය වෙනුවෙන් ඇය 1985 දී හොඳම රූපවාහිනී සංගීතය සඳහා වන BAFTA සම්මානයද දිනා ගත්තාය.
1952 දී අයර්ලන්තයේ ඩබ්ලින්හි උපත ලැබූ මෝයා, තම පවුලේ සාමාජිකයින් සමඟ එක්ව ‘Clannad’ සංගීත කණ්ඩායම ආරම්භ කළාය. සාම්ප්රදායික අයිරිෂ් සංගීතය නූතන ලෝකයට හඳුන්වා දුන් පුරෝගාමීන් ලෙස සැලකෙන ඔවුන්, ලොව පුරා සංගීත ඇල්බම මිලියන 20කට අධික ප්රමාණයක් අලෙවි කර තිබේ.
කෙල්ටික් සංගීතයේ ‘Clannad’ සලකුණ
1998 දී ‘Landmarks’ ඇල්බමය වෙනුවෙන් හිමි වූ Grammy සම්මානය ඇතුළුව සම්මාන රැසකින් පිදුම් ලැබුවාය.
මෝයාගේ අභාවය වෙනුවෙන් අයර්ලන්ත ජනාධිපති මයිකල් ඩී. හිගින්ස් ඇතුළු ලොව පුරා කලාකරුවන් සිය ශෝකය පළ කර ඇත. දශක පහකට අධික කාලයක් ඇය සිය මනස්කාන්ත හඬින් ගෝලීය සංගීත ක්ෂේත්රයට සිදු කළ මෙහෙය සදානුස්මරණීය වනු ඇත.