අපි අපේ ළමයින්ව අගය කරද්දි, විශේෂයෙන් ගැහැනු ළමයින්ව අගය කරද්දි, (කවුරුහරි අම්මා කෙනෙක් මේක අහනවා නම්) කරුණාකරලා මම කියන දේ මතකයෙ තියාගන්න.
තරුණ ගැහැනු ළමයින්ට මේ සමාජයෙන් අහන්න සිද්ධ වෙන බොහොම සෘණාත්මක දේවල් තියෙනවා. මොකද ලෝකෙ සොබාවය ඒක නිසා සහ ඒ වගේම ගැහැනු ළමයි ගොඩදෙනෙක් සමාජ මාධ්‍යවල ඉන්න නිසා. ඒ හින්දා දිනපතාම වගේ සුදුසු නැති විදියෙ, අනවශ්‍ය, එක්තරා සෘණාත්මක මට්ටමක දේවල් දිහාට එයාලා නිරාවරණය වෙනවා.
“ඔයාල කොයිවිදියෙ අය වුණත් ඔයාලා ලස්සනයි, ඔයාලා ගැන මං ආඩම්බරයි’ කියලා, අපි(මව්වරු) කිව්වෙ නැත්නම් වෙන කිසිම කෙනෙක්ගෙන් එයාලට එහෙම දෙයක් අහන්න නොලැබෙන්න පුලුවන්. ඒනිසා ඔයා ඒ දේ කිව යුතුමයි.
ඒ වගේමයි “මං ඔයාට ආදරෙයි! ඔයා විශිෂ්ටයෙක්” කියන දේ ඔයාගේ දරුවට කියන විදියකුත් තියෙනවා.
“ඔයා දන්නවද මම ඔයාගෙ ආස මොනවටද කියලා? ඔයා ලෝකෙ දකින විදියට. ඔයා පුදුමාකාර ආඩම්බර ලීලාවකින් ඇඳුම් අදින විදියට. මම ඇත්තටම ඒ දේ අගය කරනවා” කියන දේ තරුණ ගැහැනු ළමයෙක්ගේ සවන් වැකුණාම, “ඩාලිං, ඔයාව ලස්සනට පේනවා” කියනවට වඩා ඒක වටිනවා.
ඒ අන්තිමට කිව්ව දේ එක කනකින් ගිහින් අනෙක් කනින් එළියට යනවා. ඊට කලින් අපි ඒ දෙයම කියනවා මිලියන ගාණක වාරයක් එයාලා අහල තියෙනවා. නමුත්, ‘මගෙ දෙයියනේ! ඔයාව මාර ශක්තිවන්ත විදියට සහ දීප්තිමත් විලාසෙකින් පේනවා.
ලෝකය හරහා යන ගමනේදී ඔයා කවදාවත් ඔය යන විදිය වෙනස් කරන්න එපා. ඒක විස්මයජනකයි!” කියන දේ අපි එයාලට කියන්න වුවමනයි.
Kate Winslet
Video Credit – Women Rising
පරිවර්තනය – ඩිල්ශානි චතුරිකා දාබරේ
විශේෂ ස්තූතිය – ගයත්‍රිට
