කසකස්තානයේ ප්‍රකට ටෙනිස් ක්‍රීඩිකා එලේනා රිබාකිනා, චීනයේ පැවැති නිංබෝ විවෘත (Ningbo Open) ටෙනිස් තරගාවලියේ කාන්තා කේවල ශූරතාවය සාර්ථකව රඳවා ගැනීමට සමත් වූවාය.
ලොව අංක එකේ ටෙනිස් ක්‍රීඩිකාව ලෙස ශ්‍රේණිගත වීමෙන් අනතුරුව ඇය ලබාගත් පළමු ශූරතාව මෙය වීම විශේෂත්වයකි. අවසන් මහා තරගයේදී කැනඩාවේ ලේලා ෆර්නැන්ඩස් (Leylah Fernandez) වට 6-2ක් සහ 6-2ක් ලෙස පහසුවෙන් පරාජය කිරීමට 27 හැවිරිදි රිබාකිනා සමත් වූවාය.
මෙම ජයග්‍රහණයත් සමඟ වසර අවසානයේදී ලොව අංක එකේ ස්ථානය තහවුරු කරගැනීමට ඇයට අවකාශ හිමිවේ. මෙවර තරග වාරය තුළ ඕස්ට්‍රේලියානු විවෘත (Australian Open) සහ එක්සත් ජනපද විවෘත (US Open) යන ග්‍රෑන්ඩ් ස්ලෑම් (Grand Slam) ශූරතාවලීන් දෙකම දිනාගැනීමටද ඇය සමත් වී තිබුණි.
බෙයිජිං සහ වුහාන් තරගාවලිවල ලැබූ පසුබෑම්වලින් පසුව මෙම ජයග්‍රහණය ලබාගත් රිබාකිනා, ඊළඟට ටෝකියෝ හි පැවැත්වෙන Pan Pacific Open තරගාවලියට සහ නොවැම්බර් 8 වනදා ආරම්භ වන WTA Finals තරගාවලියට සහභාගී වීමට නියමිතයි.
සටහන | කල්පනී ෂමල්කා
මූලාශ්‍රය Al Jazeera