අපි සැමගේ ජීවන ගමනේ මැදි විය ලෙස සැලකෙන්නේ වයස හතළිහේ සිට පනස් නවය දක්වා වූ කාල සීමාව ය.
අවුරුදු හතළිහ ආරම්භ වන විට ඕනෑ ම පුද්ගලයකුගේ (ගැහැනු පිරිමි භේදයකින් තොරව) ශාරීරික, මානසික මෙන් ම අධ්‍යාත්මික වෙනස්කම් ද සිදු වන්නේ ය.
මෙම සිදුවිම් අතර අපට දැනෙන ප්‍රධාන වෙනස්කම් මොනවා ද, ඒ වෙනස්කම් සඳහා අප කෙසේ සූදානම් විය යුතු ද සහ කෙසේ මුහුණ දිය යුතු ද යන්න බොහෝ අය නොදනිති; දැන සිටින අය සිටිය ද බොහෝ විට ඔවුහු එය නොසලකා හරිති. නමුදු එය එසේ විය යුතු නැත. අප ජීවිතයේ විවිධ අවධිවල විවිධාකාරයෙන් ජිවිතයට මුහුණ දෙනවා සේ ම මැදි වියේ දී ද එයට මුහුණ දිය යුතු ය.
මතු දැක්වෙන්නේ මැදිවිය එළඹීමෙන් ඉක්බිති පුද්ගලයකු තම ජීවිතය සකසා ගත යුත්තේ කෙසේ ද යන්න පිළිබඳව පෝෂණ වෛද්‍ය විශේෂඥ (MBBS, Msc, MD), වෛද්‍ය තිමති වික්‍රමසේකර විසින් කරනු ලබන කරුණු පැහැදිලි කිරිමකි.
ඔබ කවුරුන් වුව වයස හතළිහට ආසන්න හෝ හතළිය ඉක්ම තිබේ නම් අනිවාර්යයෙන් මෙම විඩියෝව නැරඹිය යුතු ම ය; එවිට ඔබේ මැදිවිය ගෙවා දමන්නේ කෙසේ ද, එයට මුහුණ දෙන්නේ කෙසේ ද යන්න නිසි අවබෝධයක් ලැබෙනු නිසැක ය.
(සටහන | ජයසිරි අලවත්ත)
